BASQUE FOOD CLUSTER-ek SILVER FOOD proiektua bultzatzen du, senior kolektiboaren beharrei erantzungo dieten elikadura-produktu eta zerbitzuen garapen eta egokitzapenean hobekuntza-eremuak eta aukera-nitxoak aztertzeko. Ameztoi Anaiak burututa, eta Gipuzkoako beste hiru enpresaren laguntzarekin Lagumar Seas (Angulas Aguinaga), Kaiku Corporación Alimentaria eta Askora abian jarrita. SILVER FOODek kontsumitzaileen iritziak bilduko ditu, 55 urtetik gorakoentzat elikagai-produktuek eta -zerbitzuek bete behar dituzten funtsezko alderdiei lehentasuna emateko; dagoeneko EAEko biztanleen % 30 baino gehiago dira.
Proiektua Gipuzkoako Foru Aldundiak sustatu eta finantzatzen du Adinberri Programaren bitartez: “Zahartze aktiboaren, osasungarriaren eta zentzua eta esanahia duten erronkak”, Silver Economy deiturikoaren esparruan negozio-aukera berriak bultzatzera bideratua. Era berean, Prosumerlab aholkularitza-enpresaren laguntza izango du, markak kontsumitzaileekin konektatzeko aukera ematen baitu Profoders panelaren bidez, bai eta Caser Residencial zerbitzuaren erabiltzaileena ere (egoiliarrak eta familiak), jaterakoan duten esperientziari buruzko informazioa biltzeko.
SILVER FOODen bidez, senior taldeak enpresa parte-hartzaileen produktuei buruz (egungoak zein berriak) egindako balorazioa aztertuko da. Kontsumitzaileen iritzietan oinarrituta, hobekuntzak egingo dira produktua haien behar nutritiboetara, organoleptikoetara, osasunera, erabilerara, formatura, packaging-era eta abarretara egokitzeko. Gero, abian jartzeko beharrezkoak diren ekintzen ibilbide-orri bat garatuko da, sortutako ezagutza Gipuzkoako ekosistema sektorial osora transferitzeko.
Helburua produktu eta zerbitzu inklusiboagoak ematea izango da, desberdintasunak murriztuko dituztenak eta, azken batean, adinekoen bizi-kalitatea bermatuko dutenak. Ildo horretan, kolektibo horren bizitzarako eta garapenerako ingurune mesedegarriak errazten dutenak: eskuragarritasuna, autonomia, inklusioa eta ahalduntzea, bai eta duintasuna eta soziabilitatea ere.
Era berean, parte hartzen duten enpresak beste ETE-rentzat eredu izatea elikaduraren eta bizitza-luzeraren arteko korrelazio handiaz, elikadura-markek arreta gutxi eskaintzen dioten kolektiboa dela jakitun izanik.
Arretarik gabe sentitzen den biztanleria aktiboa
BASQUE FOOD CLUSTERek, Across the Shopper-ekin lankidetzan, senior biztanleriaren erosketa- eta kontsumo-ohiturei buruz egin duen azterlanaren arabera, 55 urtetik gorako pertsona gehienek (% 64) beren bizitzako fase horri gozamenerako une gisa egiten diote aurre, gizarteari ekarpen handia egin ahal diotela ustelakoan.
Kolektiboaren zati handi bat ez da elikagaien industrian ordezkatuta sentitzen, eta ehundura bigunagoak, zapore hobea beren beharretara egokitutako produktuetan, ontzi irakurgarriagoak eta tipografia handiagoak eskatzen eta onura funtzionalak dituzten elikagaien eskaintza handiagoa izatea eskatzen dizkiote. Izan ere, % 42k elikadura erabiltzen du gehiegizko pisua, heste-igarotzako arazoak, kolesterola edo digestio-arazoak zaintzeko. Ildo beretik, % 83k uste du elikadura osasungarriak egoera fisikoa hobetzeaz gain, egoera mentala eta emozionala hobetzen laguntzen duela uste dute.
Erosteko uneari dagokionez, balio handia ematen diote dendaren tratuari eta arretari, erosteko erraztasunari eta marken eta produktuen aniztasunari. Eta produktu jakin bat aukeratzeko orduan, prezioa ez da aukeratzeko aldagai nagusia; aitzitik, gehiago gidatzen dira iraungitze-datara, osasunerako onuretara, osagai naturaletara eta zaporera eskaintzetara eta sustapenetara baino
