PADEA (NEEZPA)
Nekazaritzako Elikagaien Enpresetako Zuzendaritzarako Programa Aurreratua
BASQUE FOOD CLUSTERek eta HAZI Fundazioak, Bilboko Ganberaren eta ESIC negozio-eskola ospetsuaren laguntzaz, Nekazaritzako Elikagaien Enpresetako Zuzendaritzarako Programa Aurreratua garatu dute: PADEA (NEEZPA). Programa honetan, enpresen kudeaketako tresna aurreratuenak erabiltzen ikasiko duzu, eta zuzenean ezagutuko dituzu sektoreko enpresa erreferenteen kasu praktikoak.
Zuzendaritzako prestakuntza-programa da, modu berezian diseinatuta dago elikagaigintzaren sektorerako eta kudeaketako funtsezko arloei buruzko jakintza aurreratuenak eskainiko dizkizu, bi ikuspegi kontuan hartuta:
- Batetik, akademikoagoa eta zientifikoagoa dena, nazio-mailan goi-zuzendarien prestakuntzako eskola liderra den ESICen lankidetzari esker.
- Bestetik, %100 praktikoa dena, nazio-mailan erreferenteak diren eta zuzendari protagonistek azaltzen dituzten benetako kasuen bidez.
Programak Eusko Jaurlaritzaren babesa jasotzen du HAZI Fundazioaren bitartez, eta erakunde horrek proiektuak koordinatu eta abian jartzen ditu, elikagaigintzako eta basogintzako balio-katearen lehiakortasuna eta jasangarritasuna bultzatzeko. HAZIk programa hau sustatu eta finantzatzen du Landa Garapenerako Europako Nekazaritza Funtsaren bidez.
IKASTAROKO PROGRAMA
01
Gaur egun, ez da nahikoa kalitate ezin hobeko produktua edukitzea. Kontsumitzaileek kalitate horri erreparatzen ez badiote eta markaren bidez ezagutzen ez bada, erraz kopiatu ahal izango da, eta askoz ere zaurgarriagoak izango gara lehiakideen eta bezeroen aurrean. Modulu honetako parte-hartzaileek jauzi egin ahal izango dute, produktu handia eskaini beharrean, marka handia eratuko dutelako.
Marka lekuratzeko eredua hutsetik nola garatzen den jakingo dute, Gerardo Mochalesek, ESICekin esperientzia profesional eta akademiko luzea duen irakasleak, Brand Managementaren arloan xehetasunez aurkeztutako sistematika akademikoaren bitartez.
Javier Portillok, Campofríoko Marketineko zuzendariak, xehetasunez azalduko digu euren benetako kasua, elikagaigintzako marka handiaren nortasunaren garapen osoa eta xehatua nola egin jakiteko.
Javier Portillo
Marketin-zuzendaria Campofrío
Produktu berrietako berrikuntza funtsezkoa da salmentetan eta marjinetan hazteko. Zer produktu garatuko dugu eta zein utziko dugu zain? Nola antolatuko gara enpresan bertan neure helburuak lortzeko aukera ematen didan berrikuntza-prozesua ezartzeko? Zer metrika erabili helburu horiek lortzen ari naizen jakiteko?
Modulu honetan, Jesús Charlánek, ESICeko irakasleak, gaur egun elikagaigintzaren sektorean abian dauden berrikuntza-eredu aurreratuenak erakutsiko dizkigu. Teknika arinak zer diren azalduko digu eta geure enpresan nola jarri abian.
Horrez gain, Mikel Grandek, Angulas Aguinagako Marketineko zuzendariak, euren kasu praktikoaren bidez azalduko digu praktikan zein den berrikuntzarako duten barne-prozesua, enpresan bertan nola antolatzen diren berritzeko orduan, nola lehenesten dituzten proiektuak eta zein diren produktua arrakastaz merkaturatu arte xehetasunez zehazten dituzten faseak.
Angulas Aguinagako Marketin eta Berrikuntza zuzendaria
CEO da Trailers And Partners-en, CMO Dioxineten eta irakaslea ESIC eta ESANen
Produktuaren eta marka handiaren balioa ez dago gure lantegietan, gure kontsumitzaileen buruan baizik. Baliabideak gero eta mugatuagoak direla kontuan hartuta, funtsezkoa da jakitea zer urrats zehatz eman behar diren, gure helburuak ahalik eta kostu txikienaz betetzen dituen komunikazio-kanpaina egiteko.
Raúl Franciscok, markaren eta hedabideen kudeaketan esperientzia zabala daukan irakasleak, honako hauxe zehazten lagunduko digu: zer inbertsio-maila eduki behar dugun komunikazioan, nola finkatu behar ditugun komunikazioaren helburuak, gure helburuei begira zer hedabide diren erabilgarrienak eta nola ezarri eta kontrolatu emaitzak.
José Gabriel Estradak, nazio-mailan marka ahaltsuenetakoa den Estrella de Galiciako Global Omnichannel managerrak, euren kasu praktikoan erakutsiko digu nola ari diren kudeatzen euren komunikazio-planetan. Inbertsioaren zer zati egiten duten online eta offline, zer hedabide erabiltzen ari diren eta nola lortu inbertsioaren ahalik eta itzulkin handiena euren marken portafolio osoan.
Global Omnichannel Managerra Estrella de Galician
Gure enpresaren mozkina neurri handi batean dago bezeroekin dugun errentagarritasunaren menpe. Oso ohikoa da funtsezko bezeroek erabat baldintzatzea gure konpainiaren salmenta-plana, arlo txikizkarian, batez ere, oso botere handia dutela kontuan hartuta. Hori dela eta, geure enpresarentzako negozio-plan errentagarria prestatzen jakin behar dugu, geure produktuen bidez kopuruan, kuotan eta marjinan zehaztutako kategoriako helburuak lortu ahal izateko.
José Monfortek, salmenten zuzendaritzan esperientzia handia duen ESICeko irakasleak, urratsez urrats azalduko digu zein den merkataritza-arloko business plana egiteko sistematika, nola garatu ikusteko eta jakiteko aukera eskainiko diguten kasu praktikoen bitartez. Zer produktu-aukera eskaini denda-motaren arabera, nola kudeatu eta negoziatu geure prezioak, nola kudeatu dendako espazioa eta agerikotasuna. Guzti-guztia ikaskuntza praktikorako ikuspegiaren bidez egingo da.
Iker González, Helkeleko Sales Regional Head-national Key Account managerra, oso-oso ohituta dago Espainiako txikizkariei bezero-planak aurkezten eta negoziatzen, eta urratsez urrats erakutsiko digu zein den bezero-plana egiteko eta aurkezteko garatzen duten prozesua. Giltzarriak emango dizkigu, geure produktu-aukera, prezioak eta sustapenak hobeto negoziatzeko eta, horrela, ahalik eta errentagarritasun handiena erdiesteko eta enpresa-bezeroaren helburu bateratuak lortzeko.
Henkelo Sales Regional Head – National Key Account Managerra
Zuzenean saltzen dut online? Marketplaceen bidez saltzen dut? E-tailerretan?
Bezeroak gero eta gehiagotan dira kanal orotako erosleak. Hori dela eta, geure plan estrategikoan adierazi beharko dugu zeinen garrantzitsua den kanal eta bezero bakoitzarentzako baliabideak zuzkitzea. Gehienetan, gure salmentek salmenta txikizkaria eta Horeca dituzte xede nagusi. Marka askok euren produktu gehiago saldu litzakete online salmentaren bidez. Hala ere, praktikan nola egin jakiteko, kanala ezagutu beharra dago berariaz.
Jorge Aguilarrek, ESICek irakasleak, online salmentaren garrantziaren eta ahalmenaren berri emango digu. Benetako kasuen bitartez, gidatu egingo gaitu, abian jarri beharreko roadmap xehatua zehazteko eta geure webgunearen, marketplaceen edo e-tailerren bidez egitea hobe den jakiteko.
Andrés Zozayak, Nutrition & Santeko (Gerblé, Bimanan, Bicentury) E-commerce and Digital Marketing leadek, benetako kasuen bitartez azalduko digu nola jartzen duten abian euren marka liderren kanal orotako salmenta nazio-mailan. Azaldu egingo digu nola ari diren garatzen euren salmenta online kanalean, nola hautatzen dituzten euren produktu-aukera, bilgarriak, prezioak eta sustapenak, baita online komunikaziorako politika ere.
Finantzariak ez direnentzako funtsezko finantzak
Parte-hartzaileek ikasi egingo dute zer jakin behar duten finantzei buruz, produktuaren eta bezeroaren araberako errentagarritasuna ulertzeko.
Modulu honetan, ikasi egingo dute goi-mailako zuzendarientzat zergatik den funtsezkoa oinarrizko jakintza finantzario horiek edukitzea eta konpainiaren emaitzen kontuaren mailan nahiz ondare-mailan inplikatzea.
Pedro Matak, goi-mailako zuzendarientzako prestakuntza finantzarioan aditua den ESICeko irakasleak, analisien zein ratioen eskemak erakutsiko dizkigu benetako adibideen bitartez, kostu zuzenen kalkuluak produktuari eta bezeroari begira nolako eragina duen jakiteko eta, horrela, produktuaren-bezeroaren araberako ekarpenaren eta errentagarritasunaren marjinak zein diren jakin ahal izateko. Kudeaketa finantzarioko ratioen eta analisien eskemak emango dizkigu, besteak beste, geure egunez egunekoan ezarri ahal izateko.
Loyola Zayasek, Bolton Foodeko zuzendari finantzarioak, gurekin partekatuko ditu business controllingerako dituzten metodoak, honako arlo hauetan daukan egunez eguneko esperientziaren bidez: helburuak zein aurrekontuak zehaztea, marjinak nahiz desbideraketak kontrolatzea eta geure konpainietan sarritan aurkitzen ditugun produktu nahiz proiektuetarako inbertsio-proiektuak aztertzeko metodologia finantzarioa ezartzea.
Director en Bolton Food
Profesor de ESIC y Socio en SMARTPOINT
Parte-hartzaileek esperientzia praktikoen bidez zehaztuko dituzte euren taldeen autolidergorako eta lidergorako ereduak, euren helburuak arrakastaz lortu ahal izateko.
Xefa Sousak, ESICeko irakasleak eta zuzendaritzako maila goreneko coachak, adibide praktikoen bitartez jarriko ditu gure esku autolidergorako daukagun gaitasuna garatzeko tresnak, geure indarrak sustatzeko eta geure hobekuntza-arloak bultzatzeko. Taldeen lidergoko azken aurrerakuntzak azalduko dizkigu eta nola jarri ditzakegun abian geure erakundeetan.
Imanol Almudík, Finduseko zuzendari nagusi ohiak eta barazkigintzako zein frutagintzako Agroponiente enpresako gaur egungo CEOk, giltzarriak emango dizkigu, nazio-mailan zein nazioartean bete-betean hazten ari den enpresako liderra nola izan jakiteko. Azaldu egingo digu nolako esperientzia izan duen lidergoan erakundean funtsezkoak diren taldeekin, harik eta errendimendu handiko talde bihurtu arte.
C.E.O. Grupo Agroponiente
Profesor de ESIC y Coach individual y de equipos, Consultora/Formadora y Profesora de Mindfulness
Logistika funtsezko arloa da zerbitzuan eta balioaren sorreran ditugun helburuak lortzeko. Ohiko ikuspegi erreaktibo eta kostu esklusibokoa bertan behera utzi eta bezeroaren nahiz negozioaren ikuspegia ezarri da balio-katean.
Pedro Matak, logistikan aditua den ESICeko irakasleak, zenbait sektoretako enpresen kasuen bidez erakutsiko digu nola hobetu eskariaren plangintza egiteko dugun politika, baita stocken kudeaketako hobekuntza, geure barruko logistika eta biltegien kudeaketa ere. Errepideko eta azken miliako garraiorako estrategietan dagoen azkena ikasiko dugu, baita e-commerceko logistikako funtsezko kontzeptuak ere. Horrek guztiak gure galeren eta irabazien kontua balioaren vs kostuaren ikuspegitik hobetzea du helburu.
Juan Antonio Naveirok, Natra multinazionaleko Senior Supply Chain managerrak, eta Agustín del Cantok, Okineko zuzendari nagusiak, euren esperientziak azalduko dizkigute kate logistikoa hobetzeko bi kasu praktikoen bidez, barruko logistikaren arloan eta bezeroa-banatzailea-kontsumitzailearen arloan.
Director General en Artadi Alimentación (Okin)
Ángel M. Gil Gallego
Profesor de ESIC y Ex-Director Logística Pikolín
Titulazioa
Norentzat
Egutegia
Ordutegia: 9:30 – 18:45.
Non
Plazak
Matrikula
Programa osoaren matrikula 1.400 eurokoa da*, eta Landa Garapenerako Europako Nekazaritza Funtsak (LGENF) finantzatzen du.
Programa hau bateragarria da FUNDAE** prestakuntza-kredituaren finantzaketarekin.
** FUNDAEko finantzaketa erantsia lortzeko moduari buruz gehiago jakiteko, HAZI Fundazioarekin jarri harremanetan e-posta honen bidez: fpeempresas@hazi.eus
Precio y subvenciones
2.560 €
hizlariak
Javier Portillo Campofrío España enpresako marketin-zuzendaria da duela ia zazpi urtetik, eta hainbat erantzukizun-postu ditu komunikazioaren, marka-estrategiaren, berrikuntzaren eta online estrategiaren arloetan. Marketinaren munduan esperientzia handia du, eta bere ibilbide profesionala Kraft Foods, Mahon-San Miguel eta Telepizza konpainietan garatu du, besteak beste.
Mikel Grande Angulas Aguinagako Marketin eta Berrikuntza zuzendaria da duela ia 5 urtetik. Angulas Aguinagan lanean hasi aurretik, hamahiru urtez, Procter & Gamble multinazionalean egin zuen lan, eta erantzukizuneko hainbat postu bete zituen.
Grandek Enpresa Administrazioa eta Zuzendaritza ikasi zuen Deustuko Unibertsitatean eta Finantza eta Marketinean espezializatu zen.
Jose G. Estradak Hijos de Rivera enpresaren Marketin taldean lan egiten du, marken komunikazioan, Anplifikazio arlotik. Estrategia kudeatzen eta bitartekoak planifikatzen 20 urtetik gorako esperientzia du, eta Adcity edo Proximia Havas enpresetan, besteak beste, egindako lana nabarmentzen da.
Estatistikan graduatua Bartzelonako Unibertsitatean eta Goi-mailako Marketin Digitala eta Publizitate digitala Programa bat IEn.
Iker González Henkeleko Salmenten Eskualdeko Zuzendaria eta Kontuen Kudeatzaile Nazionala da, eta 12 urte baino gehiago daramatza Trade Marketing edo Account Manager gisa erantzukizuneko postuetan. Hasieran Unilever eta Philip Morris Internationalentzat lan egin zuen.
Enpresen Administrazioan eta Zuzendaritzan graduatua Euskal Herriko Unibertsitatean graduatua eta Ikerketan eta Merkatu Tekniketan graduatua Kataluniako Unibertsitate Irekian. Gainera, Business Administration masterra du.
Andrés Zozayak 10 urte baino gehiagoko esperientzia du Brand Manager gisa Unilever, Henkel eta Bicentury N&S Group marketan. Gaur egun, azken horretan Digital Business Unit Development postua du, bai salmentetan, bai marketinean. Markaren birposizionatze osorako proiektuak zuzentzen ditu, eta irudi eta marka-arkitekturaz arduratzen da.
Business Administrationen graduatua da Deustuko Unibertsitatean eta Managerial Leadership, Marketing and Sales masterra egin zuen Deustuko Unibertsitatean.
Bolton Foodeko zuzendaria
Loyola Zayas Bolton Food / Grupo de Conservas Garavilla enpresako zuzendaria da duela 7 urte baino gehiagotik, eta esperientzia handia du bi auditoretza handitan: Deloitte eta PwC.
Enpresa Administrazioan eta Zuzendaritzan graduatua Deustuko Unibertsitatean eta Finantza eta Marketinean espezializatua. Europako Ekonomiako masterra ere badu Bruselako Unibertsitate Librean.
Imanol Almudí kontsumo handiko produktuen merkatuko goi-zuzendari eta enpresaburua da, eta elikagaien sektorean espezializatuta dago. Unilever, Findus, Gruma Group eta Iberconsa taldeetan aritu da, besteak beste. WIN enpresaren sortzailea eta CEO da, eta gaur egun Grupo Agroponiente taldeko CEO ere bada.
Business Administration & Economics-en graduatua Deustuko Unibertsitatean, eta, gainera, kudeaketa aurreratuko masterra du unibertsitate berean.
Juan Antonio Senior Supply Chain Manager da, eta 20 urtetik gorako esperientzia du hornikuntza-kateko taldeen buru hainbat sektore eta industria-arlotan, kontsumoan eta automobilgintzan. Negozioetako operazioak optimizatzen dituzten eta hornidura-kateko jarduerak kanporatzeko prozesuetan balioa sortzen duten hobekuntza-aukerak identifikatzen egiten du lan. Gaur egun, Supply Chain Managerra da Natra enpresan.
Industria Ingeniaritzan graduatua Euskal Herriko Unibertsitatean. Gainera, bi master ditu, bata Management and plant engineering of industrial plants-en, Kataluniako Unibertsitate Politeknikoan, eta bestea Business Administration-en, ESICen.
Agustín Del Canto Aguirre Artadi Alimentación enpresako zuzendari nagusia da duela 14 urtetik. Deustuko Unibertsitatean graduatu zen eta Business Administration-en masterra du Esaden.
Gerardo Mochales CEO eta MBA eta IMBAko irakaslea da Kellogg Northwestern, Harvard Business School eta London Business School unibertsitateetan. 12 urtez aritu zen lanean Accionan, zuzendari nagusi gisa eta negozio garapen, marketin eta komunikazio arloan. Lehenago beste konpainia batzuetan lan egin zuen, hala nola Goldman Sachs, McKinsey&Co eta Coca Colan.
Ekonomia eta ADEn graduatua Universidad Pontificia de Comillas unibertsitatean (ICAI-ICADE) eta Ekonomian doktoretza Madrilgo Complutense Unibertsitatean, ohorezko matrikularekin. Gainera, Business Administration-eko master bat egin zuen Northwestern unibertsitatean.
CEO da Trailers And Partners-en, CMO Dioxineten eta irakaslea ESIC eta ESANen
Jesus Charlánek 20 urte baino gehiagoko esperientzia du negozioen aholkularitzan. Gaur egun, CEO da Trailers And Partners-en, CMO Dioxineten eta irakaslea ESIC eta ESANen.
Kudeaketa Komertzialean eta Marketinean graduatua ESICen; gainera, Marketineko eta Zuzendaritza Komertzialeko Gradu Bikoitza egin zuen Juan Carlos Erregea Unibertsitatean eta BigData eta Business Analytics arloko masterra UNEDen. Jesusek irmoki uste du DATA dela erabakiak hartzeko enpresa-arriskua minimizatzeko bitartekoa.
Raúl Francisco Castillo Salgar-eko (bainurako altzariak) Marketin, Produktu eta Digitaleko zuzendaria da. Horrez gain, Esic Business &Marketing School-en irakasle kolaboratzaile gisa aritzen da, Corporate Education eta Graduondoko arloetan, 2011tik. Lehenago, Grupo Agora (Cervezas Ambar) taldean egin zuen lan, lehenengo Trade and Category Manager gisa, gero Taldeko Erosketa Arloko arduradun gisa, eta azken urteetan Cervezas Ambar-en marketin manager gisa.
Enpresa Zientzietan lizentziatua Zaragozako Unibertsitatean (Zaragoza) eta Bachelor In Business & Marketing gradua Kingston Unibertsitatean (Londresen). Horrez gain, Marketin Globaleko masterra du La Salleko Unibertsitatean (Bartzelona), eta IESE Business School-en (Nafarroako U.) parte hartu zuen Zuzendaritza Garapenerako Programan (PDD).
José Monfort Hurtado irakaslea da gaur egun ESIC Business & Marketing Schooleko Graduondoko Arloan. Osborne taldeko Hego Eskualdeko Salmenten zuzendari ohia da, eta 28 urtez baino gehiagoz egon da erantzukizun-postuetan. Irakaskuntzaren eta merkataritza-munduaren zale amorratua da.
Arlo komertzialean oinarritzen da bere hezkuntza, eta ESICeko Zuzendaritza Komertzialeko eta Marketineko masterra ere badu.
Jorge Aguilar Garcíak ibilbide profesional handia egin du Ecommerce, Marketin Digital eta Negozio Garapenaren arloetan, eta MediaMarkt, Inditex edo Spotify enpresa handientzat lan egin du, besteak beste. Esperientzia handia du diziplina anitzeko taldeen eta tokiko nahiz nazioarteko proiektuen kudeaketan. Gainera, ESICeko Marketin Digitaleko Masterreko zuzendaria da eta unibertsitate horretako hainbat irakasgaitako irakaslea.
Telekomunikazio Ingeniaritzan graduatua Madrilgo Unibertsitate Politeknikoan (ikuspegi analitikoa ematen dio horrek) eta bi master ditu ESICen, bata Marketin Digitalean eta bestea Big Data Analytics-en.
Pedro Matak ia 11 urteko esperientzia du SMARTPOINT – Strategy and Transactions enpresan, eta gaur egun bazkide da. Bere ibilbide profesionalean, Fundación Aragón fundazioko kudeatzailea izan da, eta hainbat kargu izan ditu Stewart Enterprises enpresan.
Enpresa Zientzietan graduatua Zaragozako Unibertsitatean, marketinean espezializatuta; Organizational Management masterra du unibertsitate berean, eta Business Administration masterra du Houston Tx unibertsitatean. Gainera, Filosofiako doktorea da Zaragozako Unibertsitatean.
Xefa Lousak ia 23 urteko esperientzia du ESICen coach indibidual eta taldeko coach gisa. Aholkularia, mindfulness irakaslea, prestatzailea eta speakerra: “Zoriona eta arrakasta”.
Pedagogian graduatua, Universidad Pointificia de Comillas unibertsitatean. Giza Baliabideen masterra du ICADEn.
Angel Gilek 26 urteko ibilbide profesionala egin du enpresa pribatuan: giza taldeak zuzendu ditu, sare logistikoak eta automatizazioa diseinatu ditu biltegietan, eta garraio-sektorean optimizazio-proiektu teknologikoak ezarri ditu. Gaur egun, ALIAko, Aragoiko Kluster Logistikoko, gerentea eta Espainiako Logistika Zentroko lehendakariordea da.
Industria Ingeniaritzako graduatua Zaragozako Unibertsitatean, mekanikan espezializatua, eta Industria Antolakuntzako Ingeniaritzan graduatua Vic-eko Unibertsitatean. Gainera, Esadeko Management Development programa (PMD) ere badu.
PADEAko zuzendari eta koordinatzaile akademikoa eta Zuzendaritza Taldeen Neurocoach Marketin eta Salmenten aholkularia.
Iñaki Vidaurrazaga Salmenta eta Marketineko aholkularia eta zuzendaritza-taldeentzako NeuroCoacha da. Unilever Foods eta Café Fortaleza konpainietan garatu du bere ibilbide profesionala marketinaren arloan. Gainera, Deustuko Unibertsitateko, Merkataritza Ganberako eta Euskal Herriko Unibertsitateko Marketin eta Salmenta irakasle kolaboratzaile gisa esperientzia du. Gaur egun neurocoacha eta aholkularia da Deusto Business School-en eta Bizkaiko Foru Aldundian.
Ekonomia eta Enpresa Zientzietan lizentziatua da Deustuko Unibertsitatean, eta bi master ditu, bata Kudeaketa Aurreratuan, unibertsitate berean, eta bestea Madrilgo Enpresa Institutuan, International MBAn.
Informazioa eskatu
FINANTZATZAILEAK
