AGROTIC HUB

Nafarroako, EAEko eta Akitania Berriko nekazaritzako elikagaien enpresetan eraldaketa digitalean laguntzea da AGROTIC HUBen xedea; mugaz haraindiko baliabideen Hub bat sortu da horretarako, enpresei irtenbide berritzailerik onenak hurbiltzeko, bereziki enpresa txiki eta ertainei. Hiru eskualdeetako nekazaritzako elikagaien sektoreen espezializazio desberdinari esker, Hub-ean txertatuko diren digitalizazio-irtenbideen eskaintza aberastu ahal izango da. Proiektuaren bidez, digitalizazio-esperientzia berritzaile onenen balioa azpimarratu nahi da, baita azpisektoreetan (abeltzaintza, arrantza, nekazaritza, eraldatutako landareak, eraldatutako haragiak, eraldatutako esnekiak, zerealak, frutak…) aplikatutako teknologia onenak ere. Horrela, gero 3 eskualdeetako azpisektore horietako enpresen artean hedatu ahal izango dira, eta eskaintza eskarira egokitu ahal izango da; gainera, arazo komunei irtenbidea eman diezaieketen IKT aplikazio berriak identifikatu ahal izango dira.