BASQUE FOOD CLUSTERek eta ieteam aholkularitzak babesletza-hitzarmen bat sinatu berri dute. ieteam 2011. urtean sortu zen, nazioartekotze, estrategia, talentu eta berrikuntza arloetan esperientzia handia duen lantalde baten elkartzearen ondorioz. Gaur egun, bulegoak ditu Bilbon, Donostian eta Madrilen, baita nazioarteko beste 6 bulego ere (Kolonbia, Brasil, Mexiko, Frantzia, Alemania eta Ekialde Ertaina). Gainera, bere partner sare zabala 25 herrialde baino gehiagotan dago, eta proiektuak merkatu ugaritan garatzen laguntzen du.
Nazioartekotzearen alorretik, ieteam enpresak merkatu berri horiei heltzeko helburuan laguntzen ditu, konpainia zein fasetan dagoen kontuan hartu gabe; izan ere, bere zerbitzuek merkatua aztertzeko lehen etapetatik helmugako herrialdeetan behin betiko ezarpenetaraino hartzen dute.
Estrategiaren arloari dagokionez, IETEAMek plan estrategikoak definitzen eta ezartzen laguntzen die enpresei, pertsonak erabakien erdigunean jartzen dituzten irizpideen arabera, planak talde osoak partekatu eta babes ditzan.
Talentuaren arloaren bidez, profesionalak hautatzen eta errekrutatzen espezializatzen da, bai estatuan, bai nazioartean. Era berean, enpresei laguntzen die pertsonen kudeaketaren arloan dituzten erronkei irtenbidea ematen.
Azkenik, Berrikuntzaren alorretik, startupen munduarekin duen lankidetza estuak startupen eta enpresa-ehunaren arteko lotura errazteko aukera ematen dio, merkatuaren beharrak asetzera bideratutako berrikuntza-proiektuak eta -ekimenak sortuz.
Webinar: Merkatu aukerak Arabiar Emirerri Batuetan (martxoak 13)
Sinatutako akordioaren ondorioz, ieteam webinar bat eskaintzen digu “ARABIAR EMIRERRI BATUETAKO MERKATU AUKERAK” aztertzeko euskal elikadura kateko enpresentzat. Topaketa honetan, Miren Garitagoitia Ieteam Middle East enpresako zuzendariak gidatuko ditu elikagaien enpresek ibilbide horretan egingo dituzten urratsak, eskualdearentzako nazioartekotze-estrategiarik onenak eskainiz eta garrantzi handieneko gakoetan sakonduz, hala nola:
- Merkatuaren beharrak eta hazteko potentziala.
- Doing business Arabiar Emirerri Batuetan: arrakastaz jarduteko gakoak.
- Nola prestatu eta egokitu desberdintasun kulturaletara.
Arabiar Emirerri Batuetako merkatuari buruz gehiago jakin nahi baduzu eta aukerak nola aprobetxatu nahi badituzu, eman izena hemen konektatzeko.
