GAURKOTASUNA

FOOD2ODS | Enpresei GJHetan aurrera egiteko lantaldeak sortzen laguntzen diegu

FOOD2ODS proiektuaren lehen saioaren bidez, Garapen Iraunkorreko Helburuak integratzeko prozesuan laguntza- eta akonpainamendu-ereduak ezarri nahi dira, enpresa-estrategiekin koherentziaz.

FOOD2ODS proiektuaren lehen saioaren bidez, Garapen Iraunkorreko Helburuak integratzeko prozesuan laguntza- eta akonpainamendu-ereduak ezarri nahi dira, enpresa-estrategiekin koherentziaz.

FOOD2ODS proiektuaren lehen jardunaldia ELMUBAS Petfood Groupen egoitzan egin zen, eta enpresa parte-hartzaileak estrategia erakundearen barruan hedatzeko lantaldeak sortzeko prestatzea izan zen helburua. Instalazioak erabat bisitatu ondoren, saioak bide eman zien proiektua bultzatu zuten enpresei (Ameztoi Anaiak, Bodegas Elosegi, ELMUBAS Petfood Group eta Urkabe Benetan) GJHen ezarpenean aurrera egiteko dituzten mugak eta oztopoak adierazteko.

Ondoren, Sinnple gizarte- eta ingurumen-inpaktuko aholkularitza-enpresaren eskutik, Harvardeko Lidergo Egokitzailea metodologia ezagutarazi zitzaien, eta erakundeko pertsonekin harreman enpatikoa sustatzeko ariketa baten bidez aplikatu zen. Era berean, Okin eta Plastigaur enpresa gonbidatuen kasu praktikoen erakusketa izan zen jardunaldian, estrategia iraunkorrarekin lerrokatutako lantaldeak sortzeko egindako urratsak azaltzeko.

Jardunaldiaren azken txanpan, erakundearen barruan iraunkortasun-batzorde hori arrakastaz nola bultzatu azaldu zen, kontuan hartuta dauden profilen arteko aldea, prozesurako lider bat izatearen garrantzia eta CEOren konplizitatea izatearen garrantzia, edo antolatzeko modu desberdinak, besteak beste.

FOOD2ODS proiektua BASQUE FOOD CLUSTERek dinamizatzen du, eta Gipuzkoako Foru Aldundiko Ekonomia Sustapen, Turismo eta Landa Inguruneko Departamentuak sustatu eta finantzatzen du.

 

INTERESATZEN ZAIZU...